24 აპრილს, სკოლის ბიბლიოთეკაში შევიკრიბეთ და გავარჩიეთ ნოდარ დუმბაძის ნაწარმოები "მარადისობის კანონი". როგორც გაირკვა, ეს ნაწარმოები განსაკუთრებით მოეწონათ მოსწავლეებს, სწორედ ამიტომ მოიწადინეს სამსჯავროზე ამ ნაწარმოების გამოტანა. ისინი დიდი სიყვარულით მსჯელობდნენ არა მხოლოდ მთავარ პერსონაჟებზე, არამედ თითქმის ყოველ მათგანზე. მოსწავლეები ცდილობდნენ პერსონაჟების შეფასებები ლოგიკური დასკვნებიდან გამომდინარე გაეკეთებინათ, თუმცა ხშირ შემთხვევაში ემოციები ჭარბობდა, და ეს ბუნებრივიცაა. აღნიშნული ღონისძიება მივუძღვენით წიგნის საერთაშორისო დღეს.
